ما كل من يضحك ..........

مــا كــل مــن يضـحـك بدنـيـاه مـســرور
لـــو ضحـكـتـه دايـــم تـحــرك حـجـاجــه

ومـا كـل مـن يبكـي مــن الـنـاس مقـهـور
بعـض الدمـوع رخـاص مـن شـان حاجـه

وما كـل صـادق لـو حكـا لـك مـن شعـور
يــا كـثـر مــن زيــف المشـاعـر خـراجـه

ومـا كــل مــا يخـفـا مــن الـسـر مسـتـور
بعـض الوجيـه ابيـن مـن ارهـف زجاجـه

وما كل بيـت ( ن ) بابـه انصـك مهجـور
كم بيت ( ن ) اطفا الشـح واهـج سراجـه

وما كل ورد ( ن ) تزرعـه ينثـر عطـور
لــو مــاه صـافــي مـــا يـخـالـط هـمـاجـه

ومـا كـل مرهـف قلـب لـو يـزرع زهـور
قـلــب يـحــب الـــورد وجـــواه صــاجــه

ومـا كـل مـن يخطـي مـن النـاس معـذور
البـعـض يخـطـي مـــن عـلــوم الـعـواجـه

وما كـل مـن يسكـت علـى الظيـم مجبـور
لـجـل الـغـلا سـاكــت ويـدعــي انـفـراجـه

وما كل راس ( ن ) ضيع الفكر مسحـور
كـم راس سحـر الـحـب جــاب ارتجـاجـه

ومــا كـــل عـلــه فـادهــا طـــب دكـتــور
كـم مـن عليـل ( ن ) وصـل خلـه علاجـه

وما كل من شاور حكيم ( ن ) خذا الشور
بـعــض الـبـشـر مـــا يـقـنـع الا مــزاجــه

ومـا كـل مـن سمـي صقـر يشبـه صـقـور
كــم مــن صـقـر وقــت الشـدايـد دجـاجـه

وما كـل فـزاع ( ن ) لجـل مـدح مشكـور
الـبـعــض مـرجـلـتـه وســامـــه وتــاجـــه